Tengganu Kiter

 BILA ZEMEY NG

EPEK

  

 🥼🩺 (awas hok tok pehe ,tok soh google translate , google pong tok pehe)

Genap setahung ambo & saing sobat dok ccaro ko covid ni. Minggu lps sedap duduk , kes menurun , wad pun setengoh2 blh tutup...ingat bulih la mula tumpu pada kes2 lain pulok.....aaaapooooo..😵😵 Maring 138 kes pulok😱😱 !...letih ejah nok letok pesakit tok tahu mmano dohhh , wad penuh , pusat kuarantin penuh....🥵🥵 ppena butir mato tgk wassak....jawap talipong masa oncall tok bereti.....

Ado belako di kelate kito , kluster bekwoh , kluster besday , kluster mesyuarat ajk masjid , kluster tempat khijo ,kluster sekoloh...mulo sedak la ssaloh ko mek semek , ssaloh ko awe donde rentas negeri...maring 138 kes , hari ni raso sedap pulok tok jaga SOP sbb kes 34 saja ?? Yo la doh hok kes 138 maring tu kontak2 rapat baru buat saringan hari ni , tunggu la esok luso pulok 🥶😰. R° negeri kelate tertinggi di malaysia 1.28 , kabar ko dop belako adik kakok ? Apa maksud nya....kebolehjangkitan yang sangat sangat tinggi....sehari duo lagi bulih pekdoh pulok kes naik. Makmal pun tok ceykak proses sampel , beribu2.

Pah nok ssaloh ko sapo ? Saloh diri kita sediri la pulok. Ada gejala masih ke tempat kerja , tok pakai mask , sebab rasa yakin kita ni demey biaso , yakin kita tok mungkin kena covid. Masih boleh berkumpul ghama2 dan habih jjakit adik kakok ,mok ayoh , tok ,nenek, sanok sedaro. Daley ICU hari ni penuhh...tok tahu la sehari duo ni nok masuk mmano kes hok berat2.

Kereta pulok berduyun2 masuk ke kelate sehari dua ni , tak percaya tanya ore kolo krey & gua musey....silap haribuley mek semek & awe donde pulok export covid kelate wak balik ko bandar kolo lupo ko selangor ko 🥶😰 kalau tak jaga SOP la...kalau SOP dijaga insyaAllah 🤲

Wallahualam...bekwoh sana sini cuti sekoloh ni, tepuk dada tanya diri sendiri....perlu ke bekwoh besar-besarey masa loni , selamat ko , kalu lepas bekwoh habis kena covid , berbaloikah...kita masih hidup dgn covid...jgn sedap duduk bila tgk angka kes menurun📉📉 , tahap kepatuhan kita pada SOP juga menurun ⬇️⬇️...kita mungkin sembuh molek dari covid...tapi ada yg bertarung nyawa😭 disebabkan keseronokan kita utk berkenduri kendara tanpa patuh pada SOP. Mungkin org yang kita sayang...

Tok ceykak doh weh , main setahun doh hidup dgn covid , dok supo tulo jah kito ni...bejerit puloookk maring budok2 sekoloh hok positive covid ambulans ambik kena masuk pusat kuarantin , masuk spita. Berjerit pulokkk hari ni ore tua hok dok diam2 drumoh tok gi mmano kena angkut dgn ambulans masuk spita...keno jolok swab hidung, cucuk sini sana...sibuk pulok staff kkm cari katil sini sana ....😫😩

SOP ke 🌊🌊🌊 dalam...dan kesedaran masih tiada , bekwoh terus dibuat , buat mesyuarat ,perjumpaan mask kat dagu , duduk dekat2 , bergejala masih hadir ke majlis2 sosial....🤷‍♀️🤷‍♀️🤷‍♀️💆‍♀️💆‍♀️💆‍♀️💆‍♀️ tok leh ko bekwoh bbagi la nasi bukuh , bulih jugok pahalo jamu ore , nok mesyuarat ko , bbuwa dekat2 , paka la mask mmolek biar tutup hidung & mulut  ...kalu bergejala gi la buat swab test , jangey jjaley rato riti. Kalu ado kontak dengey kes2 positif , gi la wak swab test , jangey wak tok tahu sajo. Kita bukey sajo keno jaga kita , kita kena juga jaga ore sekeliling kito.

Pah bilooo la nok habis cerito ni...😩 sekoloh nok buko doh...sapa biloo la weyyy ...tok terawih ssejid pulok ko sek kito tahun ni 🥲🥲

Mang al lipati bay